Թբիլիսիում ընթացող շախմատի աշխարհի գավաթի խաղարկության երրորդ շրջանի թայ-բրեյքում Հայաստանի հավաքականի առաջատար Լեւոն Արոնյանը մրցում է ռուսաստանցի Մաքսիմ Մատլակովի հետ: Արագ խաղի երկու պարտիաներում էլ գրանցվել է ոչ ոքի: Այժմ պայքարը կշարունակվի կայծակնային խաղի երկու պարտիաներում:
Հիշեցնենք, որ դասական պարտիաներում Լեւոն Արոնյանը հաղթանակից հետո երկրորդ պարտիայում պարտություն էր կրել:
Աշխարհի գավաթի խաղարկության եզրափակիչի մասնակիցները կստանան աշխարհի չեմպիոնի հավակնորդների մրցաշարի ուղեգրեր:
Աշխարհի չեմպիոն, նորվեգացի Մագնուս Կարլսենը աշխարհի գավաթի խաղարկության երրորդ շրջանում 0.5:1.5 հաշվով պարտվել է չինացի Բու Սիանձիին եւ դուրս մնացել պայքարից:
Հետևեք NEWS.am SPORT-ին Facebook-ում, Twitter և Telegram-ում