Մոսկվայի «Լոկոմոտիվը» դարձավ Ռուսաստանի գավաթակիր, Էդգար Մանուչարյանը հեռացվեց

Մոսկվայի «Լոկոմոտիվը» 7-րդ անգամ նվաճեց ֆուտբոլի Ռուսաստանի գավաթը: Սոչիում տեղի ունեցած եզրափակիչում «Լոկոմոտիվը» մրցեց Եկատերինբուրգի «Ուրալի» հետ եւ առավելության հասավ վերջնամասում Իգոր Դենիսովի ու Ալեքսեյ Միրանչուկի խփած գոլերի շնորհիվ՝ 2:0:

«Ուրալի» կազմում 79-րդ րոպեին փոխարինման դուրս եկավ Հայաստանի հավաքականի հարձակվող Էդգար Մանուչարյանը:

Ավելացված ժամանակում բախում տեղի ունեցավ ֆուտբոլիստների միջեւ, կարմիր քարտեր ստացան թիմերի երկուական ֆուտբոլիստներ, այդ թվում Էդգար Մանուչարյանը:

«Ուրալը» պատմության մեջ առաջին անգամ խաղաց Ռուսաստանի գավաթի խաղարկության եզրափակիչում:

Հիշեցնենք, որ «Լոկոմոտիվի» մարզչական շտաբում է Հայաստանի հավաքականի մարզիչ Սարգիս Հովհաննիսյանը:

Ռուսաստանի Գավաթ, եզրափակիչ

«Ուրալ» - «Լոկոմոտիվ»՝ 0:2

Իգոր Դենիսով, 76, Ալեքսեյ Միրանչուկ, 90+1

Հեռացումներ՝ Արտյոմ Ֆիդլեր, 90+6, Էդգար Մանուչարյան, 90+6 - Ջեֆերսոն Ֆարֆան, 90+6, Արի, 90+6

Հետևեք NEWS.am SPORT-ին Facebook-ում, Twitter և Telegram-ում