Մոսկվայի «Լոկոմոտիվը» դարձավ Ռուսաստանի գավաթակիր, Էդգար Մանուչարյանը հեռացվեց
21:47 2 մայիսի, 2017Մոսկվայի «Լոկոմոտիվը» 7-րդ անգամ նվաճեց ֆուտբոլի Ռուսաստանի գավաթը: Սոչիում տեղի ունեցած եզրափակիչում «Լոկոմոտիվը» մրցեց Եկատերինբուրգի «Ուրալի» հետ եւ առավելության հասավ վերջնամասում Իգոր Դենիսովի ու Ալեքսեյ Միրանչուկի խփած գոլերի շնորհիվ՝ 2:0:
«Ուրալի» կազմում 79-րդ րոպեին փոխարինման դուրս եկավ Հայաստանի հավաքականի հարձակվող Էդգար Մանուչարյանը:
Ավելացված ժամանակում բախում տեղի ունեցավ ֆուտբոլիստների միջեւ, կարմիր քարտեր ստացան թիմերի երկուական ֆուտբոլիստներ, այդ թվում Էդգար Մանուչարյանը:
«Ուրալը» պատմության մեջ առաջին անգամ խաղաց Ռուսաստանի գավաթի խաղարկության եզրափակիչում:
Հիշեցնենք, որ «Լոկոմոտիվի» մարզչական շտաբում է Հայաստանի հավաքականի մարզիչ Սարգիս Հովհաննիսյանը:
Ռուսաստանի Գավաթ, եզրափակիչ
«Ուրալ» - «Լոկոմոտիվ»՝ 0:2
Իգոր Դենիսով, 76, Ալեքսեյ Միրանչուկ, 90+1
Հեռացումներ՝ Արտյոմ Ֆիդլեր, 90+6, Էդգար Մանուչարյան, 90+6 - Ջեֆերսոն Ֆարֆան, 90+6, Արի, 90+6
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.