«Մանչեսթեր Յունայթեդը» պաշտոնական կայքում հրապարակել է թիմի շվեդ հարձակվող Զլատան Իբրահիմովիչի եւ արգենտինացի պաշտպան Մարկոս Ռոխոյի նախնական բուժզննման տվյալները: Անգլիական ակումբի մամուլի ծառայությունը խուսափել է հստակ ախտորոշում եւ վերականգնման ժամկետներ նշելուց: Երկու խաղացողների ծնկահոդերի կապանները զգալի վնաս են կրել բելգիական «Անդերլեխտի» դեմ Եվրոպայի լիգայի քառորդ եզրափակիչի պատասխան խաղում (2:1): Առաջիկա օրերին կնշանակվի ավելի խորացված բուժզննում եւ կհստակեցվի ապաքինման ժամկետները:
Բրիտանական մամուլի հրապարակումների համաձայն, մեծ է հավանականությունը, որ երկու ֆուտբոլիստներն էլ այս մրցաշրջանում խաղադաշտ չեն վերադառնա:
Հետևեք NEWS.am SPORT-ին Facebook-ում, Twitter և Telegram-ում