ՈւԵՖԱ-ն ներկայացրել է ֆուտբոլի Եվրոպայի լիգայի 1/4 եզրափակիչի պատասխան խաղերի լավագույն ֆուտբոլիստի կոչման 4 հավակնորդներին:
Ցուցակում տեղ են գտել բելգիական «Անդերլեխտի» դեմ խաղի լրացուցիչ ժամանակում հաղթական գոլ խփած Մարկուս Ռեշֆորդը («Մանչեսթեր Յունայթեդ»), Անդերսոն Տալիսկան («Բեշիկթաշ»), Մալոն («Սելտա») եւ Սեադ Կոլաշինացը («Շալկե»): Քվեարկությունը կավարտվի ապրիլի 21-ին՝ Երեւանի ժամանակով 17:00-ին:
Հիշեցնենք, որ Եվրոպայի լիգայի կիսաեզրափակիչի ուղեգիր են նվաճել «Մանչեսթեր Յունայթեդը», իսպանական «Սելտան», Ամստերդամի «Այաքսը» ու ֆրանսիական «Լիոնը»: Կիսաեզրափակիչի զույգերը որոշվելու են ապրիլի 21-ին կայանալիք վիճակահանությամբ:
Հետևեք NEWS.am SPORT-ին Facebook-ում, Twitter և Telegram-ում