21:10  +04,  6 հոկտեմբերի, 2016

Երեւանի «Ուրարտուն» պարտությունով մեկնարկեց Ռուսաստանի Սուպերլիգայում

Երեւանի «Ուրարտուն» առաջին հանդիպումն անցկացրեց բասկետբոլի Ռուսաստանի Սուպերլիգա-1-ի կանոնավոր առաջնությունում՝ Երեւանի «Դինամո» մարզապալատում ընդունելով ռուսական «Ռյազանին»: Տիգրան Գյոկչյանի գլխավորած թիմը լրացուցիչ ժամանակում պարտություն կրեց 89:93 հաշվով:

Հիմնական ժամանակի վերջին գրոհի ժամանակ «Ուրարտուն» կարողացավ առաջ անցնել հաշվի մեջ՝ 82:80: Սակայն վերջին վայրկյաններին «Ռյազանը» կարողացավ հավասարեցնել հաշիվը՝ 82:82: Նշանակվեց օվերթայմ, որն ավարտվեց ռուսների հաղթանակով՝ 11:7:

Հիմնական ժամանակի առաջին քառորդում 22:20 հաշվով հաղթեցին հյուրերը, երկրորդ քառորդում 20:12 հաշվով ուժեղ էր «Ուրարտուն», երրորդ եւ չորրորդ քառորդում «Ռյազանը» հաղթեց համապատասխանաբար 23:21 եւ 25:21 հաշվով:

Հոկտեմբերի 9-ին «Ուրարտուն» կընդունի «Սամարային»: Հանդիպումը կմեկնարկի 19:00-ին:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: