09:15  ,  19 օգոստոսի, 2016

Ռիո-2016. Ուսեյն Բոլթը՝ 8-ակի օլիմպիական չեմպիոն, ռեկորդ սահմանել չհաջողվեց (ֆոտոշարք)

100 եւ 200 մետր վազքի աշխարհի ռեկորդակիր Ուսեյն Բոլթը երկրորդ ոսկե մեդալը նվաճեց Ռիո դե Ժանեյրոյում շարունակվող ամառային Օլիմպիական խաղերում՝ դառնալով 8-ակի օլիմպիական չեմպիոն:

Ռիո-2016-ի երկրորդ ոսկին ջամայկացի արագավազորդը նվաճեց 200 մետր վազքում՝ գրանցելով 19,78 վայրկյան արդյունք: Նա 0,59 վայրկյանով զիջեց իր իսկ կողմից սահմանված աշխարհի ռեկորդից:

Այս վազքատարածությունում արծաթե մեդալակիր դարձավ կանադացի Անդրե դե Գրասը, իսկ ֆրանսիացի Քրիստոֆ Լեմետրն արժանացավ բրոնզե մեդալի:

Հիշեցնենք, որ աշխարհի 11-ակի չեմպիոնը Ռիո-2016-ում ոսկե մեդալ է նվաճել 100 մետր վաքում: Դրանից հետո նա նշել էր, որ պետք է աշխարհի ռեկորդ սահմանի 200 մետրում, սակայն չստացվեց: 200 մետրի աշխարհի ռեկորդը եւս պատկանում է 29-ամյա Բոլթին եւ կազմում է 19,19 վայրկյան: Ռիո-2016-ում ջամայկացին ուժերը փորձելու է նաեւ 4x100 մետր փոխանցումավազքում:

Ռիո-2016, աթլետիկա

Տղամարդիկ, 200 մետր վազք

1. Ուսեյն Բոլթ (Ջամայկա) - 19,78 վայրկյան

2. Անդրե դե Գրաս (Կանադա) - 20,02

3. Քրիստոֆ Լեմետր (Ֆրանսիա) - 20,12

Հետևեք NEWS.am SPORT-ին Facebook-ում, Twitter և Telegram-ում