Երեւանի «Արարատը» շարունակում է համալրել կազմը եւ օգոստոսի 3-ին պայմանագրեր է ստորագրել եւս 4 ֆուտբոլիստների հետ, փոխանցում է ակումբի կայքը:
27-ամյա ուկրաինացի կիսապաշտպան Մարատ Դաուդովը ժամանակին հաջողությամբ հանդես է եկել Կապանի «Գանձասարում», ներկայացրել է մի շարք ուկրաինական թիմեր: Վերջերս Դաուդովը «Գորնյակից» տեղափոխվել էր «Ալաշկերտ», սակայն հետագայում խզեց պայմանագիրը երեւանյան ակումբի հետ:
29-ամյա պաշտպան Գեւորգ Պողոսյանը եւ 26-ամյա կիսապաշտպան Ռաֆայել Ղազարյանն «Արարատ» են տեղափոխվել «Ալաշկերտից», որի կազմում նախորդ մրցաշրջանում նվաճել էին Հայաստանի չեմպիոնի տիտղոսը: 30-ամյա պաշտպան Ռաֆայել Սաֆարյանը նախկինում խաղացել է «Արարատում»:
Հետևեք NEWS.am SPORT-ին Facebook-ում, Twitter և Telegram-ում