Հավակնորդների մրցաշար. Լեւոն Արոնյանը մրցաշարն ավարտեց ոչ ոքիով

Մոսկվայում ավարտին մոտեցող շախմատի աշխարհի չեմպիոնի հավակնորդների մրցաշարի վերջին՝ 14-րդ տուրում Լեւոն Արոնյանը սեւերով ոչ ոքի խաղաց ԱՄՆ-ի ներկայացուցիչ Հիկարու Նակամուրայի հետ, որին առաջին շրջանում հաղթել էր սկանդալային պարտիայում: Գրոսմայստերները խաղաղ դաշն կնքեցին 33-րդ քայլում: 

Արոնյանը մրցաշարն ավարտեց 7 միավորով եւ բաժանեց 4-7-րդ տեղերը:

Դեռ չի ավարտվել վերջին տուրի կենտրոնական պարտիան, որում մրցում են Սերգեյ Կարյակինը եւ Ֆաբիանո Կարուանան, որոնք 7.5-ական միավորով գլխավորում են մրցաշարային աղյուսակը: Նրանց հավասարվեց նաեւ աշխարհի նախկին չեմպիոն Վիշվանաթան Անանդը, որը սեւերով ոչ ոքի խաղաց ռուս Պյոտր Սվիդլերի հետ:

Հավակնորդների մրցաշար, 14-րդ տուր

Հիկարու Նակամուրա (ԱՄՆ) - Լեւոն Արոնյան (Հայաստան)՝ 0.5:0.5

Սերգեյ Կարյակին (Ռուսաստան) - Ֆաբիանո Կարուանա (ԱՄՆ) 

Պյոտր Սվիդլեր (Ռուսաստան) - Վիշվանաթան Անանդ (Հնդկաստան)՝ 0.5:0.5

Անիշ Գիրի (Հոլանդիա) - Վեսելին Տոպալով (Բուլղարիա)՝ 0.5:0.5

Հետևեք NEWS.am SPORT-ին Facebook-ում, Twitter և Telegram-ում