Ռենան Բրեսան. Կարծում եմ՝ Հայաստանի հավաքականի դեմ կլինի հետաքրքիր խաղ

Ֆուտբոլի Բելառուսի ազգային հավաքականի եւ պորտուգալական «Ռիու Ավեի» կիսապաշտպան Ռենան Բրեսանը խոսել է Հայաստանի դեմ ընկերական խաղի մասին:

«Տրամադրությունը բարձր է: Խոտածածկը եւս լավն է, իսկ եղանակը՝ հիանալի: Կարծում եմ՝ կլինի հետաքրքիր խաղ: 2 թիմերն էլ սիրում են խաղալ հարձակողական ֆուտբոլ:

Ստադիոնը նորմալ է: Մենք այստեղ արդեն խաղացել ենք 3-4 տարի առաջ: Եվ ես գոլ խփեցի այդ խաղում: Այն ժամանակ տրիբունաները լեփ-լեցուն էին: Հուսով եմ, որ նույնը կլինի նաեւ հիմա: Գուցե դա իմ լավագույն խաղն էր ազգային թիմում, թեեւ եղել են նաեւ այլ հաջող հանդիպումներ»,- Բրեսանի խոսքը մեջբերում է «Прессбол»-ը: 

Հիշեցնենք, որ Հայաստանի հավաքականի լեգենդար դարպասապահ Ռոման Բերեզովսկու հրաժեշտի խաղը կկայանա մարտի 25-ին Վազգեն Սարգսյանի անվան «Հանրապետական» ստադիոնում եւ կսկսվի ժամը 19:00-ին:

Հետևեք NEWS.am SPORT-ին Facebook-ում, Twitter և Telegram-ում