«Արարատի» առաջին համալրումը

Մրցաշրջանի երկրորդ հատվածին նախապատրաստվող «Արարատի» կազմը համալրվել է առաջին նորեկով, հաղորդում է երեւանյան ակումբի կայքը:

«Արարատը» պայմանագիր է ստորագրել վրացի հենակետային կիսապաշտպան Գեորգի Խուբուայի հետ: Նախորդ մրցաշրջանում 22-ամյա ֆուտբոլիստը հանդես էր գալիս Երեւանի «Ուլիսում», իսկ «Արարատ» նա տեղափոխվել է վրացական «Մերանիից»: Ժամանակին Խուբուան ներկայացրել է Վրաստանի մինչեւ 17 տարեկանների հավաքականը:

Լեգիոներներից «Արարատում» ելույթը կշարունակեն Ումարու Կաինան եւ Մոյսես Օրոզկոն, Արամ Հայրապետյանը եւ Ռաֆֆի Կայան: Կոտդիվուարցի պաշտպան Սուլեյման Կոնեն, ով փորձաշրջան կանցնի պորտուգալական «Վիտորիա Գիմարաեշ» թիմում, նույնպես գործող պայմանագիր ունի «Արարատի» հետ:

Հետևեք NEWS.am SPORT-ին Facebook-ում, Twitter և Telegram-ում