Հայաստանում ամեն պայման կա արմֆայթինգի զարգացման համար, մեր խնդիրն այն է, որ հայ մարզիկն այսօր Հայաստանում մարզվի եւ այստեղից դուրս գա աշխարհի առաջնության եւ դառնա աշխարհի չեմպիոն: Այսպես է նկարագրում մարզաձեւի վիճակը Հայաստանում «Արմֆայթինգ» ֆեդերացիայի նախագահ Հայկ Ղուկասյանը:
Առաջիակյում Ռոստովում սպասվում է Դավիթ Խաչատրյան - Մամուռ Ֆոլ (Ֆրանսիա) աշխարհի չեմպիոնի տիտղոսի մենամարը։
Հ. Ղուկասյանի փոխանցմամբ աշխարհի չեմպիոնի գոտու համար մենամարտը պետք է տեղի ունենար հուլիսի 11-ին, բայց Մամուռ Ֆոլի վնասվածքների պատճառով եւ նաեւ կազմակերպական որոշ խնդրիներից ելնելով մենամարտը տեղափոխվեց օգոստոս:
Հայաստանում լավ արդյունքների հասնելու համար ամեն պայման կա:
«Մեր գերակա խնդիրն այն է, որ հայ մարզիկը այսօր Հայաստանում մարզվի եւ այստեղից դուրս գա աշխարհի առաջնության եւ դառնա աշխարհի չեմպիոն: Հայաստանում ամեն ինչ հնարավոր է կազմակերպել, ամեն արդյունքի հնարավոր է մարզիկներին հասցնել: Այսօր ունենք շատ լավ մարզիկներ, որոնք արտերկրում են դարձել աշխարհի չեմպիոններ՝ մարզվելով օտար երկրներում, օտար մարզական ակումբներում: Ես վստահ ասում եմ, որ այստեղ ամեն պայման կա մարզվելու եւ մարզիկներ պատրաստելու համար: Եթե Դավիթ Խաչատրյանը եթե նա վերադառնա գոտիով, ուրեմն դա նրա տարիների աշխատանքի արդյունքն է: Մինչ այս նա անցկացրել է 15 մենամարտ եւ բոլոր մենամարտերում հաղթել բոլոր մարզիկներին՝ այդ թվում՝ Թաիլանդի, Բիրմայի, Ֆրանսիայի, Սերբիայի, Ռուսաստանի, Ադրբեջանի, Վրաստանի մարզիկներին: Իր քաշային կարգում բոլոր մարզիկներին անմիջապես առաջին երկրորդ ռաունդներում միավորների առավելությամբ հաղթանակ է տարել խեղդող, կոտրող, ցավեցնող հնարքներով»,- ավելացրեց Հ. Ղուկասյանը:
Լուսանկարում՝ Հայկ Ղուկասյան
Հետևեք NEWS.am SPORT-ին Facebook-ում, Twitter և Telegram-ում
23:43 , 28 ապրիլի 
23:04 , 28 ապրիլի 
21:44 , 28 ապրիլի 
21:36 , 28 ապրիլի 
21:07 , 28 ապրիլի 
19:22 , 28 ապրիլի 
19:19 , 28 ապրիլի 
19:06 , 28 ապրիլի 
17:57 , 28 ապրիլի 
16:27 , 28 ապրիլի 
