Թուրինի «Յուվենտուսը» հետաքրքրված է Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանի ծառայություններով, տեղեկացնում է Football Italia-ն:
Իտալիայի չեմպիոնը ցանկանում էր ձմեռային տրանսֆերային պատուհանի ընթացքում ձեռք բերել Ստամբուլի «Գալաթասարայի» եւ Հոլանդիայի հավաքականի կիսապաշտպան Ուեսլի Սնեյդերին, սակայն իտալացները համաձայնության չեն եկել թուրքական ակումբի հետ: Այժմ «Յուվենտուսը» դիտարկում է այլ տարբերակներ: Այդուհանդերձ, իտալացի վերլուծաբանները Մխիթարյանի՝ «Յուվենտուս» տեղափոխվելու հնարավորությունը գնահատում են ցածր:
Հիշեցնենք, որ Չեմպիոնների լիգայի 1/8 եզրափակիչում «Յուվենտուսը» կմրցի Դորտմունդի «Բորուսիայի» հետ:
Հետևեք NEWS.am SPORT-ին Facebook-ում, Twitter և Telegram-ում