«Նապոլին» պատմության մեջ չորրորդ անգամ դարձավ ֆուտբոլի Իտալիայի գավաթակիր:
Հռոմի «Օլիմպիկո» ստադիոնում կայացած Իտալիայի գավաթի խաղարկության եզրափակիչում նեապոլցիները 2:0 հաշվով առավելության հասան երկրի նորընծա չեմպիոն Թուրինի «Յուվենտուսի» նկատմամբ:
«Նապոլիին» հաղթանակ պարգեւեցին ուրուգվայցի ռմբարկու Էդիսոն Կավանի եւ սլովակ կիսապաշտպան Մարեկ Համշիկի դիպուկ հարվածները:
«Յուվենտուսն» առաջին պարտությունը կրեց 2011/2012թթ. մրցաշրջանում:
Իտալական ֆուտբոլի լեգենդ Ալեսանդրո Դել Պյերոն «Յուվենտուսի» մեկնարկային կազմում էր եւ փոխարինվեց խաղի 63-րդ րոպեին: 37-ամյա հարձակվողը վերջին հանդիպումն անցկացրեց թուրինյան ակումբի կազմում:
Իտալիայի Գավաթ. եզրափակիչ
«Յուվենտուս» - «Նապոլի»՝ 0:2
Կավանի, 63 (11մ.), Համշիկ, 83
Հեռացում՝ Կվալյարելա, 90 («Յուվենտուս»)
Հետևեք NEWS.am SPORT-ին Facebook-ում, Twitter և Telegram-ում