Դորտմունդի «Բորուսիան» ու Լեւերկուզենի «Բայերը» խաղաղությամբ բաժանվեցին գերմանական Բունդեսլիգայի 32-րդ տուրում: Լեւերկուզենում գրանցվեց 2:2 հաշիվը:
Բոլոր գոլերը գրանցվեցին առաջին խաղակեսում: «Բայերը» 2 անգամ առաջ անցավ հաշվի մեջ, սակայն չկարողացավ պահպանել առավելությունը:
Հայաստանի հավաքականի կիսապաշտպան Հենրիխ Մխիթարյանը «Բորուսիայի» մեկնարկային կազմում խաղաց 75 րոպե:
Առաջնության ավարտից 4 տուր առաջ Յուրգեն Կլոպի թիմը երկրորդն է եւ 19 միավոր զիջում է չեմպիոնի տիտղոսն ապահոված Մյունխենի «Բավարիային»՝ 7 միավոր գերազանցելով եռյակը եզրափակող Գելզենկիրխենի «Շալկեին»: «Բայերը» չորրորդն է եւ 9 միավոր զիջում է դորտմունդցիներին:
Գերմանիայի առաջնություն, 32-րդ տուր
«Բայեր» - «Բորուսիա Դ.»՝ 2:2
Լարս Բենդեր, 7, Գոնսալո Կաստրո, 35 – Օլիվեր Կիրխ, 29, Մարկո Ռոյս, 39 (11մ.)
Հետևեք NEWS.am SPORT-ին Facebook-ում, Twitter և Telegram-ում