Լողի եռակի օլիմպիական չեմպիոն, աշխարհի ռեկորդակիր, ավստրալացի Ստեֆանի Ռայսը հայտարարել է կարիերան ավարտելու մասին, փոխանցում է մարզուհու կայքը։
Ուսի վնասվածքի եւ դրան հաջորդած երեք վիրահատությունների պատճառով 25-ամյա Ռայսը ելույթ չի ունեցել 2012թ. Օլիմպիական խաղերից հետո։
Ավստրալուհին աշխարհի ռեկորդակիր է 200 եւ 400 մետր համալիր լողում: Պեկինում անցկացված Խաղերում նա ոսկե մեդալներ է նվաճել 200 եւ 400 մետր համալիր լողում, ինչպես նաեւ 4x200 փոխանցումալողում։
Հետևեք NEWS.am SPORT-ին Facebook-ում, Twitter և Telegram-ում