Հայ ըմբիշները մեկնարկում են Ֆինլանդիայում

Մայիսի 4-ին Ֆինլանդիայում կմեկնարկի ըմբշամարտի վերջին օլիմպիական վարկանիշային մրցաշարը:

Ազատ ոճայինների պայքարում Հայաստանը ներկայացնում են Արթուր Առաքելյանը, Մուսա Մուրթազալիեւը, Էդգար Ենոքյանը եւ Ռուսլան Բասիեւը:

Տեղի է ունեցել վիճակահանությունը:

60 կգ քաշային Արթուր Առաքելյանը 1/8 եզրափակիչի գոտեմարտում կմրցի մոնղոլ Մանդախնարան Գանզորիգի հետ:

74 կգ քաշային Մուսա Մուրթազալիեւը 1/16 եզրափակիչում կգոտեմարտի հարավկորեացի Յուն Սեոկ Լիի հետ:

96 կգ քաշային կարգում Էդգար Ենոքյանի առաջին մրցակիցը կլինի հունգարացի Գերգելի Սանդոր Կիսսը:

120 կգ քաշային Ռուսլան Բասիեւի մրցակիցն առայժմ հայտնի չէ:

Հետևեք NEWS.am SPORT-ին Facebook-ում, Twitter և Telegram-ում