19:35  ,  3 փետրվարի, 2014

«Ռոմա» - «Նապոլի» հանդիպումը կարող է հետաձգվել

Ֆուտբոլի Իտալիայի գավաթի խաղարկության կիսաեզրափակիչի՝ «Ռոմայի» եւ «Նապոլիի» միջեւ հանդիպումը, որը պետք է կայանա փետրվարի 5-ին, կարող է հետաձգվել ոչ բարենպաստ եղանակային պայմանների պատճառով, փոխանցում է La Gazzetta dello Sport-ը։

Հռոմում շարունակում է տեղալ հորդ անձրեւ, ինչի պատճառով արդեն դադարեցվել է Իտալիայի առաջնության 22-րդ տուրի՝ «Ռոմա» - «Պարմա» հանդիպումը։

Գավաթային խաղը կարող է հետաձգվել ոչ թե հորդ անձրեւի, այլ ջրհեղեղի վտանգի պատճառով։ Ոստիկանությունը ծանրաբեռնվածության պատճառով խաղի ժամանակ չի կարողանա ապահովել երկրպագուների անվտանգությունը։

Հետևեք NEWS.am SPORT-ին Facebook-ում, Twitter և Telegram-ում