«Լացիոն» պարտվեց հետնապահին

Ֆուտբոլի Իտալիայի առաջնության 33-րդ տուրում «Լացիոն» մրցակցի խաղադաշտում 1։2 հաշվով պարտվեց հետնապահների թվում գտնվող «Նովարային»։

Խաղի 35-րդ րոպեին «Լացիոյի» ֆրանսիացի պաշտպան Մոբիդո Դիակատեն գրավեց սեփական դարպասը՝ առաջ մղելով դաշտի տերերին։ Այս գոլից ընդամենը երկու րոպե անց հյուրերի իտալացի կիսապաշտպան Անտոնիո Կանդրեւան հավասարեցրեց հաշիվը, սակայն հանդիպման ավարտից 11 րոպե առաջ իտալացի հարձակվող Ջուզեպե Մասկարան դարձյալ առաջ մղեց «Նովարային»՝ ձեւակերպելով հանդիպման վերջնական հաշիվը։

«Լացիոն» 55 միավորով մնաց երրորդ տեղում, իսկ «Նովարան» 28 միավորով 19-րդն է։ 

Իտալիայի առաջնություն. 33-րդ տուր

«Նովարա» - «Լացիո»՝ 2։1

Դիակատե, 35 (ինքնագոլ), Մասկարա, 79 – Կանդրեւա, 37

Հետևեք NEWS.am SPORT-ին Facebook-ում, Twitter և Telegram-ում