Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանը «Чемпионат»-ի կողմից անցկացրած քվեարկության արդյունքներով ճանաչվել է Ռուսաստանի առաջնության 16-րդ տուրի ամենարժեքավոր ֆուտբոլիստը (MVP)։
Քվեարկությունն անցկացվել է մարզական լրագրողների, փորձագետների, լիգայի ներկայացուցիչների եւ ընթերցողների շրջանում։ 26-ամյա հարձակվողը ստացել է 12 միավոր։
Երկրորդ տեղում է «Սպարտակի» դարպասապահ Արտյոմ Ռեբրովը, իսկ երրորդում՝ ԲԿՄԱ-ի հարձակվող Սեյդու Դումբիան։
Հիշեցնենք, որ Մովսիսյանի հեթ-տրիկի շնորհիվ «Սպարտակը» 4։2 հաշվով հաղթեց «Զենիթին»։
Հետևեք NEWS.am SPORT-ին Facebook-ում, Twitter և Telegram-ում