Իտալական A Սերիայի չորրորդ տուրի վերջին խաղը կայացավ «Սան Սիրո» ստադիոնում, որտեղ «Միլանն» ընդունել էր «Նապոլիին»: Հանդիպումն ավարտվեց նեապոլցիների հաղթանակով՝ 2:1 հաշվով:
Խաղի հաշիվը 6-րդ րոպեին բացեց «Նապոլիի» ուրուգվայցի պաշտպան Միգել Բրիտոսը: Ընդմիջումից 8 րոպե անց արգենտինացի հարձակվող Գոնսալո Իգուաինը կրկնապատկեց հյուրերի առավելությունը, իսկ 60-րդ րոպեին «Միլանի» ռմբարկու Մարիո Բալոտելին վրիպեց 11 մետրանոց հարվածից: Ավելացված ժամանակում Բալոտելին կրճատեց հաշվի տարբերությունը, սակայն միլանցիներին չհաջողվեց խուսափել պարտությունից:
Նախորդ անգամ «Նապոլին» A Սերիայի խաղում «Սան Սիրոյում» «Միլանին» հաղթել էր 1986-ի ապրիլին:
Այս հաղթանակից հետո Ռաֆայել Բենիտեսի թիմը հավաքեց 12 միավոր՝ հավասարվելով առաջատար «Ռոմային»: Միլանցիերն ունեն 4 միավոր:
Իտալիայի առաջնություն, չորրորդ տուր
«Միլան» - «Նապոլի»՝ 1:2
Մարիո Բալոտելի, 90+1 – Միգել Բրիտոս, 6, Գոնսալո Իգուաին, 53
Հետևեք NEWS.am SPORT-ին Facebook-ում, Twitter և Telegram-ում