Կվարացխելիան՝ Դվալիշվիլիին․ Ամբողջ աշխարհին ցույց տվեցիր, թե ինչ է նշանակում լինել վրացի եւ տղամարդ

Ֆրանսիայի չեմպիոն եւ Չեմպիոնների լիգայի գավաթակիր ՊՍԺ-ի վրացի ֆուտբոլիստ Խվիչա Կվարացխելիան արձագանքել է խառը մենամարտերի PFL-ի թեթևքաշային չեմպիոն, ռուսաստանցի Ուսման Նուրմագոմեդովի՝ UFC-ի նախկին չեմպիոն, վրացի մարտիկ Մերաբ Դվալիշվիլիի վրա հարձակմանը։

«Մերաբ, Սաբա։ Շնորհակալություն։ Ես քեզ հետ եմ և աջակցում եմ քեզ։ Դու ևս մեկ անգամ ամբողջ աշխարհին ցույց տվեցիր, թե ինչ է նշանակում լինել վրացի, տղամարդ և իսկական մարդ։

Ի տարբերություն նրանց, ովքեր վախկոտ, գաղտագողի, անազնիվ և անարդարացիորեն փորձում էին նվաստացնել քեզ, իսկական տղամարդիկ այդպես չեն վարվում։ Եվ անկախ նրանից, թե ինչ են փորձում, նրանք ոչ մի արդյունքի չեն հասնի: Նրանք երբեք հաջողության չեն հասնի վրացիների դեմ»,- գրել է Կվարացխելիան Ինստագրամում։

Հիշեցնենք, որ Ուսման Նուրմագոմեդովը իր մի քանի թիմակիցների հետ հարձակվել էր Մերաբ Դվալիշվիլիի վրա Աբու Դաբիի հյուրանոցներից մեկում։ Նրան ձերբակալել են իրավապահ մարմինները։

Full footage of the scuffle between Usman Nurmagomedov and Merab Dvalishvili https://t.co/SGJzkQdFif

— Red Corner MMA (@RedCorner_MMA) November 11, 2026

Հետևեք NEWS.am SPORT-ին Facebook-ում, Twitter և Telegram-ում