Ազգերի լիգա․ Սպերցյանի սուպերգոլը (տեսանյութ)

Ֆուտբոլի Հայաստանի ազգային հավաքականն Ազգերի լիգայի C2 խմբի երկրորդ տուրի խաղում ընդունել է Չեռնոգորիայի թիմին։ Ընթանում է երկրորդ խաղակեսը։ Հաշիվը հավասար է՝ 2:2:

65-րդ րոպեին գերազանց հարվածով մրցակցի դարպասը գրավեց սաուդյան «Ալ Ահլիի» կիսապաշտպան Էդուարդ Սպերցյանը՝ հավասարեցնելով հաշիվը (տեսանյութ)։

Երեւանի Վազգեն Սարգսյան անվան «Հանրապետական» ստադիոնում ընթացող հանդիպման առաջին խաղակեսում 2:1 հաշվով հաղթել էին հյուրերը։

20-րդ րոպեին Չեռնոգորիայի հավաքականի գրոհն ավարտվեց գոլով։ Մրցակցի հետ պայքարում ընկնելիս «Ուրարտուի» պաշտպան Էրիկ Փիլոյանի մեջքից գնդակը հայտնվեց դարպասում (տեսանյութ)։

34-րդ րոպեին հավասարությունը վերականգնեց Հայաստանի չեմպիոն «Արարատ-Արմենիայի» հարձակվող Արթուր Սերոբյանը (տեսանյութ)։

38-րդ րոպեին Չեռնոգորիայի թիմի երկրորդ գոլը խփեց իտալական «Ատալանտայի» հարձակվող Նիկոլա Կրստովիչը (տեսանյութ)։

Հետևեք NEWS.am SPORT-ին Facebook-ում, Twitter և Telegram-ում