Շախմատային օլիմպիադա․ Հայաստանի թիմերի մրցակիցները 9-րդ խաղափուլում

Ուզբեկստանի Սամարղանդ քաղաքում անցկացվող Համաշխարհային շախմատային օլիմպիադայում սեպտեմբերի 25-ին տեղի կունենան 9-րդ տուրի պարտիաները։

Հայաստանի հավաքականը կմրցի Ադրբեջանի հավաքականի հետ։

Երկու թիմերն էլ ունեն 13 միավոր եւ բաժանում են 3-10-րդ տեղերը։

Նախորդ տուրերում Հայաստանի հավաքականը հաղթել է Բարբադոսին (4:0), Շոտլանդիային (3,5:0,5), Շվեդիային (2,5:1,5), Արգենտինային (2,5:1,5), ոչ ոքի խաղացել չինացիների հետ (2:2), հաղթել Իրանին թիմին (2,5:1,5), ոչ ոքի խաղացել ԱՄՆ-ի (2:2) եւ Նիդերալնդների հետ (2:2):

Նախորդ տուրերում Ադրբեջանի թիմը հաղթել է Մարոկկոյին (4:0), Ֆիլիպիններին (3:1), Շվեյցարիային (3:1), ոչ ոքի խաղացել Չեխիայի (2:2)  եւ Ռումինիայի (2:2), հաղթել է Արգենտինային (2,5:1,5), Հունաստանին (3,5:0,5), ոչ ոքի խաղացել Հնդկաստանի հետ (2:2):

Կանանց Հայաստանի թիմը 9-րդ խաղափուլում կմրցի Չինաստանի հետ, որը 15 միավորով առաջատարն է։

Հայաստանի թիմն ունի 14 միավոր եւ բաժանում է 2-4-րդ տեղերը։

Հայ շախմատիստուհիները նախորդ խաղափուլերում հաղթել են Հոնկոնգին (3,5:0,5), Սինգապուրին (3:1), Խորվաթիային (4:0), պարտվել Ղազախստանին (1:3), հաղթել  Պերուին (3:1), Լատվիային (3:1), Ադրբեջանին (2,5:1,5) եւ ԱՄՆ-ին (2,5:1,5):

Չինաստանի թիմը նախորդ տուրերում հաղթել է Զամբիային (4:0), Կոլումբիային (3,5:0,5), Թուրքիային (3:1), Հունգարիային (3,5:0,5),  Բուլղարիային (3:1), Լեհաստանին (3,5:0,5), ոչ ոքի խաղացել Ղազախստանի հետ (2:2), հաղթել Վրաստանին (2,5:1,5):

Օլիմպիադայի ավարտին մնացել է երեք խաղափուլ։

Հետևեք NEWS.am SPORT-ին Facebook-ում, Twitter և Telegram-ում