Շախմատային օլիմպիադա․ Հայաստանի հավաքականը ոչ ոքի խաղաց Նիդերլանդների հետ

Հայաստանի հավաքականը ոչ ոքի ավարտեց պայքարը Նիդերլանդների հավաքականի հետ 46-րդ համաշխարհային շախմատային օլիմպիադայի 8-րդ խաղափուլում։

Շանթ Սարգսյանը սև խաղաքարերով առավելության հասավ Լյուկ վան Վելիի նկատմամբ։

Ռոբերտ Հովհաննիսյանը սպիտակներով պարտվեց Յորդեն վան Ֆորեսթին։

Հայկ Մարտիրոսյանը ոչ ոքի խաղաց Անիշ Գիրիի, Մանուել Պետրոսյանը՝ Էրվին Լամիի հետ։

8 խաղափուլից հետո Հայաստանի հավաքականը 16 հնարավորից ունի 13 թիմային միավոր (5 հաղթանակ, 3 ոչ ոքի)։

Նախորդ տուրերում Հայաստանի հավաքականը հաղթել է Բարբադոսին (4:0), Շոտլանդիային (3,5:0,5), Շվեդիային (2,5:1,5), Արգենտինային (2,5:1,5), ոչ ոքի խաղացել չինացիների հետ (2:2), հաղթել Իրանին թիմին (2,5:1,5), ոչ ոքի խաղացել ԱՄՆ-ի թիմի հետ (2:2):

Օլիմպիադայի ավարտին մնացել է 3 խաղափուլ։

Հետևեք NEWS.am SPORT-ին Facebook-ում, Twitter և Telegram-ում