«Ինտերի» նախագահ․ Չենք ցանկանում ոչ մի դեպքում հրաժարվել Լաուտարոյից

Իտալիայի չեմպիոն եւ գավաթակիր Միլանի «Ինտերի» նախագահ Ջուզեպե Մարոտան մեկնաբանել է լուրերը, թե Իսպանիայի չեմպիոն «Բարսելոնան» փորձելու է ձեռք բերել «Ինտերի» արգենտինացի հարձակվող Լաուտարո Մարտինեսին։

«Լաուտարոն մեր ավագն է, նա ներկայացնում է «Ինտերի» ընթացիկ պատմությունը։ Կարող եմ վստահեցնել, որ բացարձակապես չկան պայմաններ, որոնք կենթադրեին նրա հեռանալը։ Մենք չենք ցանկանում ոչ մի դեպքում հրաժարվել Լաուտարոյից։ Այդ մասին նույնիսկ խոսել պետք չէ»,- Մարոտայի խոսքը մեջբերում է Sport.es-ը։

Լաուտարո Մարտինեսն «Ինտերում» է հանդես գալիս 2018 թվականից։

Այս ընթացքում 29-ամյա ֆուտբոլիստը մասնակցել է 377 հանդիպման, խփել է 175 գոլ, կատարել է 56 գոլային փոխանցման։ Նրա պայմանագիրն «Ինտերի» հետ նախատեսված է մինչեւ 2029թ․ հունիս։ Transfermarkt-ը Լաուտարո Մարտինեսի տրանսֆերային արժեքը գնահատում է 85 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում