ՉԼ․ «Արարատ-Արմենիան» ցավալի պարտություն կրեց (տեսանյութ)

Ֆուտբոլի Հայաստանի չեմպիոն «Արարատ-Արմենիան» Չեմպիոնների լիգայի որակավորման երրորդ փուլի (կիսաեզրափակիչ) պատասխան խաղում հյուրընկալվեց Սլովենիայի չեմպիոն «Ցելիեին» եւ պարտություն կրեց 0:2 հաշվով (տեսանյութ)։

83-րդ րոպեին հանդիպման հաշիվը բացեց 23-ամյա ավստրալացի հարձակվող Յայա Դուկուլին։

85-րդ րոպեին 32-ամյա հարձակվող Բենիամին Վերբիչը խփեց երկրորդ գոլը, որը «Ցելիեին» դուրս բերեց որակավորման փլեյ-օֆֆ։

Առաջին խաղում «Արարատ-Արմենիան» հասել էր կամային հաղթանակի 2:1 հաշվով։

«Արարատ-Արմենիան» պայքարը կշարունակի Եվրոպայի լիգայի որակավորման փլեյ-օֆֆում եւ կմրցի  Ֆինլանդիայի «ԿուՊՍ»-ի եւ ռումինական «Ունիվերսիտատեա Կրայովայի» դիմակայության հաղթողի հետ։

«Արարատ-Արմենիան» ապահովել է տեղն առնվազն Կոնֆերենցիաների լիգայի հիմնական փուլում։

Հետևեք NEWS.am SPORT-ին Facebook-ում, Twitter և Telegram-ում