«Սյոնի» գլխավոր մարզիչ. Շատ դժվար հանդիպում ստացվեց, քամին, կարծես, դժոխային լիներ

Այս պահին շանսերը գնահատում եմ 50/50։ Այս մասին հետխաղային ասուլիսում նշեց Շվեյցարիայի քառակի գավաթակիր «Սյոնի» գլխավոր մարզիչ, 62-ամյա ֆրանսիացի Դիդիե Տոլոն՝ մեկնաբանելով «Նոայի» հետ առաջին հանդիպումը:

Ֆուտբոլի Հայաստանի փոխչեմպիոն «Նոան» Կոնֆերենցիաների լիգայի որակավորման երրորդ փուլի առաջին խաղում ընդունեց շվեյցարական «Սյոնին»։ Գրանցվեց ոչ ոքի՝ 2:2։

«Մեզ համար շատ դժվար հանդիպում ստացվեց, քամին, կարծես, դժոխային լիներ այսօր մեզ համար: Կարմիր քարտն ազդեց խաղի վրա, փորձեցինք լինել խաղի մեջ, բնավորություն ցույց տալ:

Բոլորս գիտենք, որ «Նոան» շատ ուժեղ է սկսում խաղի սկզբնամասը: «Նոան» բարձր պրեսինգ էր անում: Կարողացանք բնավորություն ցույց տալ, մնալ խաղի մեջ: Մրցակիցը մի քանի սխալ թույլ տվեց, օգտվեցինք այդ սխալներից, ինչն էլ օգնեց մեզ մնալ խաղի մեջ մինչեւ վերջ:

Այս պահին շանսերը գնահատում եմ 50/50: Պետք է կենտրոնանանք պատասխան խաղի վրա»,- ասաց «Սյոնի» գլխավոր մարզիչը:

 Պատասխան հանդիպումը Շվեյցարիայում տեղի կունենա օգոստոսի 13-ին։

«Նոան» «Սյոնի» արգելքը հաղթահարելու դեպքում՝ որակավորման փլեյ-օֆֆում կմրցի հոլանդական «Այաքսի» եւ իռլանդական «Շելբուրնի» դիմակայության հաղթողի հետ։

Լուսինե Շահբազյան 

Հետևեք NEWS.am SPORT-ին Facebook-ում, Twitter և Telegram-ում