Ֆուտզալի Չեմպիոնների լիգայի նախնական փուլը՝ Երեւանում

Ֆուտզալի Չեմպիոնների լիգայի հաջորդ մրցաշրջանի նախնական փուլի հանդիպումները կանցկացվեն օգոստոսի 25-30-ը Երևանում։

Հուլիսի 8-ին Շվեյցարիայի Նիոն քաղաքում տեղի կունենա նախնական և հիմնական փուլի վիճակահանությունը։ Ձևաչափը հետևյալն է․

- 32 ցածր վարկանիշ ունեցող ակումբ մասնակցում է նախնական փուլին:

- Թիմերը բաժանվում են 8 խմբի՝ յուրաքանչյուրում 4 թիմ։ Յուրքանչյուր խմբի հանդիպումները կայանում են մինի-մրցաշարի ձևաչափով՝ նախապես ընտրված 8 քաղաքներում։

- Խմբերի հաղթողները հաջորդ՝ հիմնական փուլին մասնակցելու իրավունք են ստանում։

Նախնական փուլի խաղերը կանցկացվեն օգոստոսի 25-30-ը, հիմնական փուլինը՝ հոկտեմբերի 27-ից նոյեմբերի 1-ը։ Նոյեմբերի 4-ից կսկսվի փլեյ-օֆֆը, իսկ եզրափակիչները կկայանան մայիսին, հաղորդում է ՀՖՖ-ի կայքը։

Հայաստանը 2026/27 մրցաշրջանում ներկայացնելու է չեմպիոն եւ գավաթակիր «Յունիսպորտը»։

Հետևեք NEWS.am SPORT-ին Facebook-ում, Twitter և Telegram-ում