Սպերցյանի գոլը նպաստեց «Կրասնոդարի» հաղթանակին «Սպարտակի» նկատմամբ

Ռուսաստանի Պրեմիեր լիգայի առաջնության 26-րդ տուրում չեմպիոն «Կրասնոդարը» հյուրընկալվեց Մոսկվայի «Սպարտակին» եւ կամային հաղթանակի հասավ 2:1 հաշվով։

38-րդ րոպեին հանդիպման հաշիվը բացեց «Սպարտակի» լյուքսեմբուրգցի կիսապաշտպան Քրիստոֆեր Մարտինսը։

Առաջին խաղակեսի ավելացված առաջին րոպեին հավասարությունը վերականգնեց «Կրասնոդարի» եւ Հայաստանի հավաքականի ավագ, կիսապաշտպան Էդուարդ Սպերցյանը։

«Կրասնոդարի» հաղթական գոլը 85-րդ րոպեին խփեց բրազիլացի պաշտպան Ժուբալը։

«Կրասնոդարը» 57 միավորով դարձյալ գլխավորեց մրցաշարային աղյուսակը։ «Զենիթը» 56 միավորով երկրորդն է։ «Սպարտակը» 5-րդն է՝ 45 միավոր։

Հետևեք NEWS.am SPORT-ին Facebook-ում, Twitter և Telegram-ում