Ծանրամարտի ԵԱ. Մարտին Պողոսյանը՝ բրոնզե մեդալակիր (ֆոտո)

Վրաստանի Բաթումի քաղաքում անցկացվող ծանրամարտի Եվրոպայի առաջնությունում Հայաստանի ներկայացուցիչ Մարտին Պողոսյանը 79 կգ քաշայինների պայքարում երկամարտի 338 կգ արդյունքով դարձավ բրոնզե մեդալակիր (148+186):

Պոկում վարժությունում Հայաստանի ներկայացուցիչն առաջին մոտեցմամբ հաջող բարձրացրեց 148 կգ-ը: Երկրորդ մոտեցումը ձախողեց, որի համար պատվիրված էր 152 կգ: Երրորդ մոտեցմամբ պոկեց 152-ը: Այս վարժությունում Հայաստանի չեմպիոնը 10-րդն է:

Այս վարժությունում 161 կգ-ով եւ Եվրոպայի նոր ռեկորդով առաջատարը չեզոք դրոշի ներքո հանդես եկող Գեւորգ Սերոբյանն է: Ռուսաստանցի ծանրորդը 5 կգ-ով շրջանցեց երկրորդ տեղը զբաղեցրած թուրք Կան Կահրիմանին:

Մարտին Պողոսյանը հրում վարժությունը սկսեց  186 կգ-ով եւ հաջողությամբ ֆիքսեց ծանրաձողը գլխավերեւում: Երկրորդ մոտեցման համար մարզիչները 4 կգ-ոց քայլ կատարեցին, բայց Պողոսյանը ձախողեց եւ գցեց ծանրաձողը: Երրորդ մոտեցմամբ նորից եկավ 190 կգ-ի, այս անգամ չկարողացավ վերեւում պահել, ծանրաձողը գցելիս ինքնազգացողությունը վատացավ եւ ընկավ մրցահարթակին:

Տեխնիկական անձնակազմն անմիջապես փակեց մրցահարթակը, բայց Պողոսյանը ոտքի կանգնեց եւ ափսոսանքով հեռացավ մրցահարթակից:

Այս վարժությունում Մարտին Պողոսյանը նվաճեց փոքր արծաթե մեդալ:

Լուսինե Շահբազյան՝ Բաթումիից

Հետևեք NEWS.am SPORT-ին Facebook-ում, Twitter և Telegram-ում