ԵԱ․ Հայ շախմատիստների արդյունքները 8 տուրից հետո

Լեհաստանի Կատովիցե քաղաքում ընթացող շախմատի Եվրոպայի անհատական առաջնությունում տեղի են ունեցել 8-րդ տուրի պարտիաները։

Միանձնյա առաջատարն է իսպանացի գրոսմայստեր Դավիդ Անտոն Գիխարոն՝ 7 միավորով:

Հայ գրոսմայստերներ Հայկ Մարտիրոսյանը և Ռոբերտ Հովհաննիսյանը ունեն 6-ական միավոր և բաժանում են 11-27-րդ տեղերը:

Հայ շախմատիստներից 5.5-ական միավորով 28-77-րդ տեղերն են բաժանում գրոսմայստերներ Շանթ Սարգսյանը, Էմին Օհանյանը և Արթուր Դավթյանը:

Գրոսմայստերներ Մամիկոն Ղարիբյանը, Մանուէլ Պետրոսյանը, միջազգային վարպետներ Արսեն Դավթյանը և Վահե Սուքիասյանը, նաև ՖԻԴԵ-ի վարպետ Տիգրան Համբարձումյանը ունեն 5-ական միավոր միավոր։

Գրոսմայստեր Գաբրիել Սարգսյանը ունի 4.5 միավոր: Նույնքան միավոր ունեն նաև միջազգային վարպետ Ռոբերտ Փիլիպոսյանը և ՖԻԴԵ-ի վարպետ Հայկ Երիցյանը:

9-րդ խաղափուլը տեղի կունենա ապրիլի 16-ին եւ կմեկնարկի Երեւանի ժամանակով 17:00-ին:

Առաջնության ավարտին մնացել է երեք խաղափուլ:

Հետևեք NEWS.am SPORT-ին Facebook-ում, Twitter և Telegram-ում