Հովհաննես Բաչկովը հերթական մենամարտը կանցկացնի պրոֆեսիոնալ ռինգում

Տոկիոյի Օլիմպիական խաղերի բրոնզե մեդալակիր, Եվրոպայի քառակի չեմպիոն, աշխարհի առաջնության հնգակի բրոնզե մեդալակիր Հովհաննես Բաչկովը պրոֆեսիոնալ բռցնքամարտի 9-րդ մենամարտը կանցկացնի:

Ապրիլի 3-ին Դուբայում BATL Promotions-ի կազմակերպած մրցաշարում Հովհաննես Բաչկովի մրցակիցը կլինի վենեսուելացի Լուիս Արկոն: Պրոֆեսիոնալ բռնցքամարտիկները կմրցեն WBA InterContinental գոտու համար:

Հովհաննես Բաչկովը ձեռքերի վիրահատությունից հետո նախորդ տարվա մարտին հաղթական վերադարձ ունեցավ պրոֆեսիոնալ ռինգ։

Դուբայում Grassroots boxing-ի կազմակերպած «Paddy’s day boxing show» երեկոյում պարտության մատնեց վենեսուելացի Ջոս Բաստարդոյին՝ երկրորդ ռաունդում նոկաուտի ենթարկելով նրան եւ նվաճելով WBA Continental տիտղոսը։

Հուլիսի 2-ին էլ Ստամբուլում անցկացված IBA Pro-7 Champions Night մրցաշարում նոկաուտով հաղթեց հարավաֆրիկացի Խոլիսանի Նդոնգենիին եւ նվաճեց IBA Pro չեմպիոնական գոտի:

Հետևեք NEWS.am SPORT-ին Facebook-ում, Twitter և Telegram-ում