ԱԱ. Սեմյոն Դանիելյանցը մասնակցեց կարճ ծրագրին (տեսանյութ)

Չեխիայի մայրաքաղաք Պրահայում անցկացվող գեղասահքի աշխարհի առաջնությունում մեկնարկել է տղամարդկանց մենասահքի կարճ ծրագիրը, որտեղ Հայաստանը ներկայացնում է 19-ամյա Սեմյոն Դանիելյանցը:

Հայ գեղասահորդը առաջինը դուրս եկավ Պրահայի սառույց եւ կարճ ծրագրի արդյունքում վաստակեց 70.94 միավոր: Տեխնիկան գնահատվեց 39.45, բարդությունը՝ 31.49 միավոր:

Տղամարդկանց մենասահքի կարճ ծրագրին մասնակցում է 36 գեղասահորդ: Որակավորումը հաղթահարելուց հետո նրանք հնարավորություն կստանան մասնակցել մարտի 28-ին անցկացվելիք ազատ ծրագրին:

Այսօր երեկոյան աշխարհի առաջնության սպորտային զույգերի ազատ ծրագրին կմասնակցի Հայաստանի Կարինա Ակոպովա – Նիկիտա Ռախմանին զույգը:

Նրանց մասնակցությամբ ազատ ծրագիրը կմեկնարկի Երեւանի ժամանակով 21:15-ին:

Հետևեք NEWS.am SPORT-ին Facebook-ում, Twitter և Telegram-ում