Եվրո-2026․ Հայաստանի թիմը հաղթեց չեխերին եւ դուրս եկավ փլեյ-օֆֆ

Ֆուտզալի Հայաստանի հավաքականը դուրս եկավ Եվրո-2026-ի փլեյ-օֆֆ (1/4 եզրափակիչ)։ Խմբային փուլի երկրորդ խաղում Ռուբեն Նազարեթյանի գլխավորած թիմը 5:4 հաշվով կամային հաղթանակ տարավ Չեխիայի թիմի նկատմամբ եւ B խմբում 6 միավորով ապահովեց առաջին տեղը։

Չեխիայի հավաքականից երկրորդ րոպեին հանդիպման հաշիվը բացեց Պավել Դրոզդը։

Երրորդ րոպեին պատասխան գոլը խփեց Վլադիմիր Սանոսյանը։ 7-րդ րոպեին Հայաստանի թիմին առաջ մղեց Նիկիտա Խրոմիխը։

19-րդ րոպեին սեփական դարպասը գրավեց Չեխիայի հավաքականի խաղացող Թոմաշ Կուդելկան։

24-րդ րոպեին չեխերի երկրորդ գոլը խփեց Ֆրանսիսկո Միկուսը։ 26-րդ րոպեին հեռացվեց Չեխիայի թիմի խաղացող Իրժի Զապոտոցկին։

31-րդ րոպեին Արսեն Պետրոսովն եւ Նիկիտա Խրոմիխը խփեցին Հայաստանի թիմի չորրորդ եւ 5-րդ գոլերը։ 

38-րդ եւ 39-րդ րոպեներին չեխերից դուբլի հեղինակ դարձավ Դավիդ Դրոզդը։

Առաջին խաղում Հայաստանի թիմը 2:1 հաշվով կամային հաղթանակ էր տարել ուկրաինացիների նկատմամբ։

Երրորդ տուրում Հայաստանի թիմը հունվարի 28-ին կմրցի Լիտվայի թիմի հետ։

Հետևեք NEWS.am SPORT-ին Facebook-ում, Twitter և Telegram-ում