ԿԼ․ «Արարատ-Արմենիան» հաղթեց լրացուցիչ ժամանակում եւ դուրս եկավ հաջորդ փուլ (տեսանյութ)

Ֆուտբոլի Հայաստանի փոխչեմպիոն «Արարատ-Արմենիան» դուրս եկավ Կոնֆերենցիաների լիգայի որակավորման երրորդ փուլ։

Ռումինական «Ունիվերսիտատեա Կլուժի» դեմ արտագնա պատասխան խաղում երեւանյան թիմը հաղթեց լրացուցիչ ժամանակում 2:1 հաշվով (տեսանյութ)։

Հիմնական ժամանակն ավարտվել էր ոչ ոքի՝ 1:1:

13-րդ րոպեին հանդիպման հաշիվը բացեց դաշտի տերերի բոսնիացի հարձակվող Յովո Լուկիչը։

53-րդ րոպեին հավասարությունը վերականգնեց «Արարատ-Արմենիայի» պաշտպան Կամո Հովհաննիսյանը։

Նշանակվեց լրացուցիչ ժամանակ։

Պորտուգալացի Մանուել Տուլիպայի գլխավորած թիմի հաղթական գոլը 117-րդ րոպեին խփեց գանացի հարձակվող Փոլ Այոնգոն։

Առաջին խաղում գրանցվել էր ոչ ոքի՝ 0:0:

«Արարատ-Արմենիան» հաջորդ փուլում կմրցի «Ակտոբե» (Ղազախստան) - «Սպարտա Պրահա» (Չեխիա) զույգի հաղթողի հետ։

Հետևեք NEWS.am SPORT-ին Facebook-ում, Twitter և Telegram-ում