Պատանեկան ԵԱ․ Արտո Բաղրամյանը հաղթեց ադրբեջանցուն եւ նվաճեց ոսկե մեդալ

Սերբիայում ընթացող բռնցքամարտի կրտսեր տարիքի պատանիների Եվրոպայի առաջնությունում ոսկե մեդալակիր դարձավ 46 կգ քաշային Արտո Բաղրամյանը։ Նա եզրափակիչում պարտության է մատնել ադրբեջանցի մրցակցի։

44 կգ քաշային Սամվել Գրիգորյանը և 48 կգ քաշային Դավիթ Դունիամալյանը դարձել են արծաթե մեդալակիր։

Աղջիկների պայքարում Խաչիկ Խաչատրյանի գլխավորած թիմը նվաճել է 4 արծաթեւ և 3 բրոնզե մեդալ։

Էլեն Բաղդասարյանը (36 կգ), Եվա Գրիգորյանը (46 կգ), Կարինե Դալլաքյանը (51 կգ) և Ամալյա Ավագյանը (64 կգ) դարձան արծաթե մեդալակիր։

Վանեսա Գևորգյանը (40 կգ), Լիզա Կարճիկյանը (54 կգ) և  Լյուսի Չիֆլիկյանը (57 կգ) նվաճեցին բրոնզե մեդալ։

Հետևեք NEWS.am SPORT-ին Facebook-ում, Twitter և Telegram-ում