Ջոն վան'տ Սխիպ․ Ցանկանում եմ օգնել, որպեսզի հավաքականի տղաները առաջընթաց ունենան

Ես ցանկանում եմ օգնել, որպեսզի Հայաստանի հավաքականի տղաները առաջընթաց ունենան: Իմ պայմանագիրը մինչեւ աշխարհի առաջնության ընտրական փուլի ավարտն է: Ես դեռ չեմ մտածում որեւէ այլ բանի մասին:

Այս մասին նախաղաղային ասուլիսում ասաց Ֆուտբոլի Հայաստանի հավաքական շի գլխավոր մարզիչ, հոլանդացի մասնագետ Ջոն վան'տ Սխիպը:

Հունիսի 9-ին Հայաստանի հավաքականի Նիկշիչ քաղաքում կհյուրընկալվի Չեռնոգորիայի հավաքականին։

«Թիմում մթնոլորտը լավն է: Այս օրերին լրագրողներդ եք մեզ հետ եւ տեսնում եք, թե ինչ մթնոլորտ է: Իհարկե, տղաները, ինչպես նաեւ ես, հիասթափված ենք այս պարտություններից, Կոսովոյից կրած պարտությունից եւ հաշվից: Պետք է շտկենք իրավիճակը եւ վաղվա խաղում փորձենք ավելի լավ ներկայանանք:

Այնքան էլ շատ բան չի փոխվել իմ գործունեության  եւ մարզչության մեջ: Մարզել եմ ինչպես միջին, այնպես էլ ավելի բարձրակարգ թիմեր: Ժամանակ է պետք հարմարվելու համար: Պետք է փորձենք հավաքականի խաղամակարդակը ավելի բարձրացնել: Ես 61 տարեկան եմ եւ փառքի հասել եմ ինչպես որպես ֆուտբոլիստ, այնպես էլ որպես մարզիչ: Հայաստանում իմ գլխավոր խնդիրը եւ նպատակը այս հավաքականին օգնելն է: Ես ցանկանում եմ օգնել, որպեսզի Հայաստանի հավաքականի տղաները առաջխաղացում ունենալ:

Գրեթե բոլոր ֆուտբոլիստները մեր ուշադրության տակ են: Բալեկյանի հետ բարդ էր կապի դուրս գալը, բայց այս փուլում էի չէինք նախատեսում: Խորեն Բայրամյանը կարող է մեզ օգտակար լինել, բայց այս հավաքին նրան չէինք նախատեսել, ինչպես նաեւ չէինք դիտարկել Բալեկյանին:

Հավանաբար վաղվա կազմը լինի ավելի բալանսավորված, գուցե խաղադաշտ դուրս գան այն ֆոււտբոլիստները, որոնք նախորդ խաղում էին: Չենք կարող փոխել բոլոր 11 խաղացողներին թարմություն ապահովելու համար:

Իմ պայմանագիրը մինչեւ աշխարհի առաջնության ընտրական փուլի ավարտն է: Ես դեռ չեմ մտածում որեւէ այլ բանի մասին: Չեմ մտածում այն մասին, թե ինչ են խոսում պարտություններից հետո: Այդ մասին երեւի պետք է մտածեմ ոչ ես: Փորձում եմ  զբաղվել իմ թիմի գործերով»,- ասաց Ջոն վան'տ Սխիպը:

Այսօր հոլանդացի մասնագետի գլխավորած թիմը նախախաղային մարզում կանցացնի Չեռնոգորիայի Տուզի քաղաքի մարզադաշտում:

Նախորդ ընկերական խաղում Հայաստանի թիմը 2:5 հաշվով պարտվել էր Կոսովոյին։

Լուսինե Շահբազյան

Հետևեք NEWS.am SPORT-ին Facebook-ում, Twitter և Telegram-ում