Մադրիդի «Աթլետիկոն» վերջին րոպեներին խուսափեց պարտությունից (տեսանյութ)

Իսպանիայի առաջնության 24-րդ տուրում Մադրիդի «Աթլետիկոն» տանը մրցեց Վիգոյի «Սելտայի» հետ։ Գրանցվեց ոչ ոքի՝ 1:1:

Արդեն 7-րդ րոպեին կոշտ սահանկման համար հեռացվեց դաշտի տերերի իսպանացի կիսապաշտպան Պաբլո Բարիոսը։

68-րդ րոպեին «Սելտայի» գոլը խփեց իսպանացի հարձակվող Յագո Ասպասը, որն արդյունավետ իրացրեց 11-մետրանոցը։

Արգենտինացի Դիեգո Սիմեոնեի գլխավորած թիմը հավասարությունը վերականգնեց 82-րդ րոպեին նորվեգացի հարձակվող Ալեքսանդր Սյորլոտի գոլի շնորհիվ։

«Աթլետիկոն» 50 միավորով երկրորդն է եւ 1 միավոր է հետ առաջատար «Ռեալից»։ «Սելտան» 12-րդն է՝ 29 միավոր։

Իսպանիայի առաջնություն, 24-րդ տուր

«Աթլետիկո Մադրիդ» - «Սելտա»՝ 1:1 (տեսանյութ)

Ալեքսանդր Սյորլոտ, 82 - Յագո Ասպաս, 68, 11մ

Հեռացում՝ Պաբլո Բարիոս («Աթլետիկո Մադրիդ»), 7

Հետևեք NEWS.am SPORT-ին Facebook-ում, Twitter և Telegram-ում