Ֆուտզալի ՉԼ․ «Երեւանը» հաղթել է «Մանչեսթերին»

Հայաստանի չեմպիոն «Երևանը» հաղթանակով է մեկնարկել ֆուտզալի Չեմպիոնների լիգայի որակավորման նախնական փուլում։ Մանչեսթերում անցկացվող D խմբի մրցաշարի առաջին խաղում «Երեւանը» 3:2 հաշվով առավելության է հասել անգլիական «Մանչեսթեր Ֆուտզալի» նկատմամբ։ «Երևանի» կազմում դուբլի հեղինակ է դարձել Ռաֆիկ Մելիքյանը,  մրցակցի դարպասը գրավել է նաեւ Արթուր Պատատյանը։

Խմբային փուլի երկրորդ հանդիպումը «Երևանը» կանցկացնի օգոստոսի 23-ին՝ մրցելով Նիդերլանդների չեմպիոն «Թայգերս Ռեորմունդի»։

Խմբի մյուս խաղում Նիդերլանդների չեմպիոնը 4:1 հաշվով հաղթել է Թուրքիայի չեմպիոն «Շիշլիին»։

Ֆոտո՝ ՀՖՖ

Հետևեք NEWS.am SPORT-ին Facebook-ում, Twitter և Telegram-ում