Կոնֆերենցիաների լիգա․ «Նոայի» հաջորդ մրցակիցը կլինի «Ռուժոմբերոկը»

Ֆուտբոլի Հայաստանի փոխչեմպիոն Երեւանի «Նոայի» մրցակիցը Կոնֆերենցիաների լիգայի որակավորման փլեյ-օֆֆում կլինի Սլովակիայի «Ռուժոմբերոկը»։

Որակավորման երրորդ փուլում «Ռուժոմբերոկը» պայքարից դուրս թողեց Խորվաթիայի «Հայդուկին»՝ պատասխան խաղում առավելության հասնելով 1:0 հաշվով։ Առաջին խաղում գրանցվել էր ոչ ոքի՝ 0:0:

«Նոան» երկու հանդիպման արդյունքում (3:1, 0:1) պայքարից դուրս էր թողել Աթենքի ԱԵԿ-ին։

Փլեյ-օֆֆի հանդիպումները տեղի կունենան օգոստոսի 22-ին եւ 29-ին։ Առաջին հանդիպումը «Նոան» կանցկացնի Հայաստանում։

Հետևեք NEWS.am SPORT-ին Facebook-ում, Twitter և Telegram-ում