Կոնֆերենցիաների լիգա․ «Արարատ-Արմենիան» դուրս մնաց պայքարից (տեսանյութ)

Ֆուտբոլի Հայաստանի գավաթակիր Երեւանի «Արարատ-Արմենիան» Կոնֆերենցիաների լիգայի որակավորման երրորդ փուլի պատասխան խաղում հյուրընկալվեց հունգարական «Պուշկաշ Ակադեմիային» եւ հաղթանակը բաց թողեց վերջին վայրկյաններին։ Գրանցվեց ոչ ոքի՝ 3:3 (տեսանյութ):

8-րդ րոպեին հանդիպման հաշիվը բացեց դաշտի տերերի հունգարացի պաշտպան Ժոլդ Նադը։

40-րդ րոպեին պատասխան գոլը խփեց հարձակվող Արթուր Սերոբյանը։ 45-րդ րոպեին «Արարատ-Արմենիային» առաջ մղեց կիսապաշտպան Հովհաննես Հարությունյանը։

47-րդ րոպեին Ժոլտ Նադը երկրորդ գոլը խփեց։

62-րդ րոպեին կարմիր քարտ ստացավ «Արարատ-Արմենիայի» քենիացի կիսապաշտպան Ամոս Նոնդին։

85-րդ րոպեին «Արարատ-Արմենիայի» կոլումբացի հարձակվող Խոնատան Դուարտեն գրավեց մրցակցի դարպասը։

Ավելացված չորրորդ րոպեին «Պուշկաշ Ակադեմիայի» երրորդ գոլը խփեց ուկրաինացի կիսապաշտպան Արտյոմ Ֆավորովը։

Առաջին խաղում «Արարատ-Արմենիան» տանը պարտվել էր 0:1 հաշվով։ Պայքարը որակավորման փլեյ-օֆֆում կշարունակի  «Պուշկաշ Ակադեմիան»։

Հետևեք NEWS.am SPORT-ին Facebook-ում, Twitter և Telegram-ում