Փարիզ-2024. Ամերիկացիները 3 ոսկե մեդալ նվաճեցին աթլետիկայում եւ շրջանցեցին չինացիներին (տեսանյութ)

Աթլետիկայի օլիմպիական մրցաշարում ԱՄՆ-ի ներկայացուցիչները օգոստոսի 8-ին նվաճեցին 3 ոսկե մեդալ։

Կանանց հեռացատկի օլիմպիական տիտղոսը նվաճեց Տարա Դեւիս-Վուդհոլը՝ 7.10 մետր։ Երկրորդ տեղում է Գերմանիայի ներկայացուցիչ Մալայկա Միհամբոն՝ 6.98 մետր։ Բրոնզե մեդալը նվաճեց ամերիկացի Ժասմին Մուռը՝ 6.96 մետր։

Կանանց 400 մետր արգելավազքում աշխարհի ռեկորդով (50.37 վայրկյան) հաղթեց ամերիկացի Սիդնի Մաքլաֆլին-Լեւրոնը։

Երկրորդ տեղում է ամերիկացի Աննա Քոքրելը՝ 51.87։ Բրոնզե մեդալակիր դարձավ Նիդերլանդների ներկայացուցիչ Ֆեմկե Բոլը՝ 52.15։

Տղամարդկանց 110 մետր արգելավազքի առաջին երկու տեղերում եւս ամերիկացիներ են՝ Գրանտ Հոլոուեյ (12.99) եւ Դենիել Ռոբերտս (13.09)։ Լավագույն եռյակը եզրափակեց ջամայկացի Ռաշիդ Բրոդբելը (13.09)։

ԱՄՆ-ի թիմը 30 ոսկե, 38 արծաթե եւ 35 բրոնզե մեդալով դարձյալ Խաղերի առաջատարն է։

Երկրորդ տեղում գտնվող Չինաստանն ունի 28 ոսկե, 25 արծաթե եւ 19 բրոնզե մեդալ։

Հայաստանը 2 արծաթե եւ 1 բրոնզե մեդալով 61-րդն է։

Հետևեք NEWS.am SPORT-ին Facebook-ում, Twitter և Telegram-ում