Փարիզի «Champ-de-Mars» մարզապալատում տեղի ունեցավ հունահռոմեական ոճի ըմբշամարտի 97 կգ քաշային կարգի հաղթողի եւ մեդալակիների պարգեւատրման արարողությունը:
Օլիմպիական խաղերի ոսկե, արծաթե եւ բրոնզե մեդալակիր Արթուր Ալեքսանյանը պարգեւատրվեց օլիմպիական չորրորդ՝ արծաթե մեդալով:
Ալեքսանյանին պարգեւատրեց Միջազգային ֆեդերացիայի նախագահ Նենադ Լալովիչը եւ արծաթե մեդալը գցեց Արթուր Ալեքսանյանի պարանոցին: Պարգեւատրվելուց հետո Ալեքսանյանը հանեց արծաթե մեդալը: Նենադ Լալովիչը ոսկե մեդալակիր Սարավիին պարգեւատրելուց հետո մոտեցավ Ալեքսանյանին եւ հետաքրքրվեց, թե ինչու է հանել մեդալը: Ալեքսանյանն ինչ-որ բան հուշեց, ձեռքն ուղղելով մրցագորգի կողմը: Մինչեւ պարգեւատրման ավարտը, Արթուր Ալեքսանյանը արծաթե մեդալը ձեռքը պահեց:
Վերջում, երբ բոլորը պետք է լուսանկարվեին, Արթուր Ալեքսանյանը իջավ պատվո հարթակից եւ մոտեցավ Նենադ Լալովիչին:
Օլիմպիական չեմպիոնը Փարիզ-2024-ի եզրափակիչում 1:4 հաշվով պարտվեց Իրանի ներկայացուցիչ Սարավիին: Երկրորդ մրցափուլում Սարավին ոտքի գործադրումով հրեց Ալեքսանյանին եւ երկու միավորանոց հնարք կատարեց:
Արթուրը չելենջ պահանջեց, բայց մրցավարները չբավարարեցին: Պարգեւատրման արարողության ժամանակ Արթուր Ալեքսանյանը մեդալը հանելով ցույց տվեց, որ համաձայն չի մրցավարների որոշման եւ իր պարտության հետ:
Հետևեք NEWS.am SPORT-ին Facebook-ում, Twitter և Telegram-ում
12:02 , 3 նոյեմբերի 
11:43 , 3 նոյեմբերի 
11:06 , 3 նոյեմբերի 
10:38 , 3 նոյեմբերի 
10:02 , 3 նոյեմբերի 
09:36 , 3 նոյեմբերի 
09:04 , 3 նոյեմբերի 
00:49 , 3 նոյեմբերի 
00:26 , 3 նոյեմբերի 
23:01 , 2 նոյեմբերի 
