Իտալիան կդառնա առաջին երկիրը Չեմպիոնների լիգայում վեց մասնակցով, եթե «Ատալանտան» Իտալիայի առաջնությունն ավարտի 5-րդ տեղում։
Դա հնարավոր է դարձել Եվրոպայի լիգայի եզրափակիչում «Ատալանտայի» հաղթանակի շնորհիվ։ Բերգամոն ներկայացնող թիմը նվաճել է նաեւ Չեմպիոնների լիգայի խմբային փուլի ուղեգիր։
Ա Սերիան ու Բունդեսլիգան եվրագավաթային մրցաշարերում բարձր վարկանիշային միավորների շնորհիվ հաջորդ մրցաշրջանում 5-ական տեղ կունենան Չեմպիոնների լիգայում։
Իտալիայի առաջնության վերջին տուրից առաջ «Ատալանտան» 5-րդն է, «Ռոման» 6-րդն է եւ կարող է ապահովել Չեմպիոնների լիգայի ուղեգիր։
Չեմպիոնների լիգայի ձեւաչափի փոփոխությունից հետո հաջորդ մրցաշրջանում խմբային փուլին կմասնակցի 36 թիմ նախկին 32-ի փոխարեն։
Հետևեք NEWS.am SPORT-ին Facebook-ում, Twitter և Telegram-ում