«Կրասնոդարի» սեփականատեր. «Կուբանի» դեմ խաղում մրցավարությունը տարօրինակ էր

Շատ տարօրինակ մրցավարություն էր, ասել է «Կրասնոդարի» սեփականատեր Սերգեյ Գալիցկին` մեկնաբանելով Ռուսաստանի գավաթի խաղարկության 1/8 եզրափակիչի «Կուբանի» դեմ խաղի ընթացքում մրցավարների որոշումները:

«Դիտում եմ «Կուբանի» դեմ խաղի տեսագրությունը: Շատ տարօրինակ մրցավարություն է: 7-րդ եւ 8-րդ րոպեներին բացահայտ խաղից դուրս վիճակի պարագայում մրցավարի սուլիչը լռում է: 53-րդ րոպեին 100 տոկոսանոց 11-մետրանոց չի նշանակվում»,- գրել է Գալիցկին Twitter-ի իր էջում:

Հիշեցնենք, որ Ռուսաստանի գավաթի խաղարկության 1/8 եզրափակիչում «Կուբանը» Հայաստանի ազգային հավաքականի ֆուտբոլիստ Մարկոս Պիզելիի գոլի շնորհիվ 1:0 հաշվով հաղթեց «Կրասնոդարին»:

Հետևեք NEWS.am SPORT-ին Facebook-ում, Twitter և Telegram-ում