Անգլիական ակումբները կողմ են «Մանչեսթեր Սիթիի» հեռացմանը Պրեմիեր լիգայից

Անգլիական Պրեմիեր լիգայի ակումբները կողմ եմ չեմպիոն «Մանչեսթեր Սիթիի» հեռացմանը բարձրագույն դիվիզիոնից, եթե ապացուցվի մանչեսթերյան ակումբի մեղքը ֆինանսական խախտումներում, որոնք բացահայտել է Պրեմիեր լիգայի անկախ անձնախումբը, հաղորդում է Sky Sports-ը։

«Մանչեսթեր Սիթիի» հեռացմանն առաջին հերթին կողմ են «Մանչեսթեր Յունայթեդը», «Լիվերպուլը», «Արսենալը», «Չելսին» ու «Տոտենհեմը», սակայն ակումբների դիրքորոշումը ոչի մի դեր չի ունենա անկախ հանձնախմբի որոշումներում։

4 տարվա հետաքննությունից հետո «Մանչեսթեր Սիթիին» ներկայացվել է ֆինանսական արդար խաղի կանոնների ավելի քան 100 խախտումների վերաբերյալ մեղադրանք։ Խախտումները վերաբերում են  2009/2010 - 2017/2018 թվականների մրցաշրջաններին։ 2009 թվականից հետո «Մանչեսթեր Սիթին» նվաճել է 6 չեմպիոնական տիտղոս (2012, 2014, 2018, 2019, 2021, 2022)։

Հետևեք NEWS.am SPORT-ին Facebook-ում, Twitter և Telegram-ում