Իտալիայի գավաթ․ Կիսաեզրափակիչի զույգերն ու խաղացանկը

Ֆուտբոլի Իտալիայի գավաթի խաղարկությունում հայտնի են կիսաեզրափակիչի զույգերը։ Թուրինի «Յուվենտուսը» կմրցի փոխչեմպիոն, գավաթակիր եւ սուպերգավաթակիր Միլանի «Ինտերի» հետ։ Մյուս զույգը կազմել են Ա Սերիայի հետնապահ «Կրեմոնեզեն» եւ «Ֆիորենտինան»։

Թիմերը կանցկացնեն երկուական հանդիպում։ Առաջին հանդիպումները տեղի կունենան ապրիլի 4-5-ին, պատասխան խաղերը՝ ապրիլի 25-26-ին։ Եզրափակիչը նախատեսված է մայիսի 24-ին։

Քառորդ եզրափակիչում «Ինտերը» հաղթել էր «Ատալանտային» (1:0), «Յուվենտուսը»՝ «Լացիոյին» (1:0), «Կրեմոնեզեն»՝ «Ռոմային» (2:1), «Ֆիորենտինան»՝ «Տորինոյին» (2:1)։

Հետևեք NEWS.am SPORT-ին Facebook-ում, Twitter և Telegram-ում