«Մանչեսթեր Յունայթեդը» երկարաձգեց պայմանագրերը 4 ֆուտբոլիստի հետ

Անգլիական «Մանչեսթեր Յունայթեդը» երկարաձգել է պայմանագրերը Մարկուս Ռեշֆորդի, Դիոգու Դալոյի, Ֆրեդի եւ Լյուկ Շոու հետ։ Այդ մասին հայտնել է մանչեսթերյան ակումբի հոլանդացի գլխավոր մարզիչ Էրիկ տեն Հագը։ Պայմանագրերը երկարաձգվել են մինչեւ 2024թ․ հունիս։

«Այո, ես կարող եմ հաստատել, որ այդ չորս ֆուտբոլիստների հետ համագործակցությունը երկարաձգվել է եւս մեկ տարով։ Մենք երջանիկ ենք, քանի որ թիմը շարժվում է ճիշտ ուղղությամբ, եւ այդ խաղացողները հսկայական ներդրում ունեն»,- Տեն Հագի խոսքը մեջբերում է «Մանչեսթեր Յունայթեդի» կայքը։

Անգլիայի առաջնությունում հանջորդ հանդիպումը «Մանչեսթեր Յունայթեդը» կանցկացնի դեկտեմբերի 27-ին՝ 17-րդ տուրի խաղում հյուրընկալելով «Նոթինգեմ Ֆորեսթին»։

Հետևեք NEWS.am SPORT-ին Facebook-ում, Twitter և Telegram-ում