Աշխարհի առաջնության Արգենտինա - Ֆրանսիա եզրափակիչի հիմնական ժամանակն ավարտվեց ոչ ոքի՝ 2:2: Թիմերը պայքարը կշարունակեն լրացուցիչ ժամանակում։
Առաջին խաղակեսում 2:0 հաշվով հաղթել էր Լիոնել Սկալոնիի գլխավորած Արգենտինայի հավաքականը։
5-րդ րոպեին առաջինը դարպասին հարված կատարեց Արգենտինան։ Անգլիական «Բրայթոնի» 23-ամյա կիսապաշտպան Ալեքսիս Մաք Ալիսթերը հեռվից հարվածեց եւ Ֆրանսիայի հավաքականի ու Լոնդոնի «Տոտենհեմի» 35-ամյա դարպասապահ Ուգո Լյորիսը որսաց գնդակը։
9-րդ րոպեին անկյունայինից հետո կողոսկրերի արմունկով հարված ստացա Ուգո Լյորիսը։ Կանոնները խախտեց նրա ակումբակից, Լոնդոնի «Տոտենհեմի» 24-ամյա պաշտպան Կրիստիան Ռոմերոն։
17-րդ րոպեին աջ եզրով սուր գրոհ կազմակերպեց Արգենտինայի հավաքականը։ Մադրիդի «Աթլետիկոյի» 28-ամյա կիսապաշտպան Ռոդրիգո դե Պոլի փոխանցումից հետո Թուրինի «Յուվենտուսի» 34-ամյա հարձակվող Անխել Դի Մարիան բարձր հարվածեց։
19-րդ րոպեին գրեթե դիմային գծի մոտ տուգանային հարվածի իրավունք ստացավ Ֆրանսիան։ Մադրիդի «Աթլետիկոյի» 31-ամյա հարձակվող Անտուան Գրիզմանն իրացրեց տուգանայինը։ Իտալիայի չեմպիոն «Միլանի» 36-ամյա հարձակվող Օլիվիե Ժիրուն գլխի հարված կատարեց, բայց բարձր էր, նաեւ խախտում էր գրանցվել հարձակվող թիմի կողմից։
21-րդ րոպեին Անխել Դի Մարիայի նկատմամբ սեփական տուգանային հրապարակում կանոնները խախտեց «Բարսելոնայի» 25-ամյա հարձակվող Ուսման Դեմբելեն եւ նշանակվեց 11-մետրանոց Ֆրանսիայի դարպասին։
ՊՍԺ-ի 35-ամյա հարձակվող Լիոնել Մեսին հստակ իրացրեց 11-մետրանոցը՝ բացելով հաշիվը (տեսանյութ)։
Արգենտինայի թիմի առավելությունը 36-րդ րոպեին կրկնապատկեց Անխել Դի Մարիան, որը եզրափակեց կիսապաշտպան Ալեքսիս Մաք Ալիսթերի փոխանցումը (տեսանյութ)։
Առաջին խաղակեսում հսկայական առավելություն ուներ Արգենտինան՝ գնդակի 62 տոկոս վերահսկողությամբ, 6 գոլային պահերով, դարպասին կատարած 3 հարվածով։ Ֆրանսիան ոչ մի գոլային պահ չստեղծեց, ոչ մի հարված դարպասի ուղղությամբ չկատարեց։
Երկրորդ խաղակեսի սկզբում Արգենտինան զիջեց նախաձեռնությունը, սակայն վտանգավոր պահերը դարձյալ Ֆրանսիայի թիմի դարպասի մոտ էին։ 57-րդ րոպեին վտանգավոր հարված կատարեց Անգլիայի չեմպիոն «Մանչեսթեր Սիթիի» 22-ամյա հարձակվող Խուլիան Ալվարեսը։ Ուգո Լյորիսը փրկեց դրությունը։ Մի քանի րոպե անց Դի Մարիայի փոխանցումից հետո հարված կատարեց Մեսին։ Գնդակը հեռացրեց Թուրինի «Յուվենտուսի» 27-ամյա կիսապաշտպան Ադրիեն Ռաբյոն։
51-րդ րոպեին Ալվարեսի փոխանցումից հետո Մաք Ալիսթերը մենակ դուրս եկավ Ուգո Լյորիսի դեմ, որը ոտքերով հեռացրեց գնդակը։
Առաջին հարվածը Արգենտինայի դարպասի ուղղությամբ Ֆրանսիան կատարեց 70-րդ րոպեին։ Կիլիան Մբապեի հարվածը բարձր ստացվեց։
79-րդ րոպեին պորտուգալական «Բենֆիկայի» 34-ամյա պաշտպան Նիկոլաս Օտամենդին սեփական տուգանային հրապարակում խախտեց կանոնները Ֆրանկֆուրտի «Այնտրախտի» 24-ամյա հարձակվող Ռանդալ Կոլո Մուանիի նկատմամբ։
11-մետրանոցը հստակ իրացրեց ՊՍԺ-ի 23-ամյա հարձակվող Կիլիան Մբապեն (տեսանյութ)։
NORMAL. NICHT. #ARGFRA #FIFAWorldCup #Mbappe pic.twitter.com/UjjJDOtDhO
— FIFA Fussball-Weltmeisterschaft (@fifaworldcup_de) December 18, 2022
Արդեն հաջորդ գրոհի ժամանակ Ֆրանսիան կարողացավ նաեւ վերականգնել հավասարությունը։ 81-րդ րոպեին Մբապեն արդյունավետ եզրափակեց Մյոնխենգլադբախի «Բորուսիայի» 25-ամյա հարձակվող Մարկուս Տյուրամի փոխանցումը (տեսանյութ)։
Den ersten hat er gemacht, den zweiten gefühlt. #ARGFRA #FIFAWorldCup #Mbappe pic.twitter.com/1qWAtve0RQ
— FIFA Fussball-Weltmeisterschaft (@fifaworldcup_de) December 18, 2022
Նշանակվել է լրացուցիչ ժամանակ։
#ARGFRA #FIFAWorldCup #Qatar2022 pic.twitter.com/VOKZvOr2WE
— FIFA Fussball-Weltmeisterschaft (@fifaworldcup_de) December 18, 2022
Einen Schritt näher. #ARGFRA #FIFAWorldCup #Messi pic.twitter.com/CaLFvHnfvx
— FIFA Fussball-Weltmeisterschaft (@fifaworldcup_de) December 18, 2022
— FIFA Fussball-Weltmeisterschaft (@fifaworldcup_de) December 18, 2022
Sehnsucht, Gier und Hunger lassen keine Zweifel in Halbzeit 1. #ARGFRA #FIFAWorldCup pic.twitter.com/QfCriJLvVL
— FIFA Fussball-Weltmeisterschaft (@fifaworldcup_de) December 18, 2022
Ready for battle #FIFAWorldCup | #Qatar2022 pic.twitter.com/kT6CpepD12
— FIFA World Cup (@FIFAWorldCup) December 18, 2022
So kurz davor. #ARGFRA #FIFAWorldCup pic.twitter.com/UYwrUCH22C
— FIFA Fussball-Weltmeisterschaft (@fifaworldcup_de) December 18, 2022
Հետևեք NEWS.am SPORT-ին Facebook-ում, Twitter և Telegram-ում